[貼身系列] 矯型內衣比較

事緣係多年前已經試過矯正胸型, 但因為懶同好難預約, 所以無堅持, 著著下又著返普通內衣, 直至有一日驚覺走晒型, 背又厚, 所以拿拿聲去補救...

我主要想改善胸型, 減少背脊d肉同收副乳. 試過satami, 覺得同普通bra 無咩分別, 所以skip! 可以一提既有3間, 覺得太長, 無興趣既可以直接跳去睇我最推薦既第3間:

1. 銅鑼灣蔡太 (推介度: 3星, 如果唔嫌煩同等得耐, 4星)
相信好多人都識! 8年前第一次去, 佢而家已經由小鋪位搬左去樓上鋪. 主要由經驗豐富既蔡太主理, 佢會睇你個胸而決定你著咩size, 我亦係去完先知自己真正係咩CUP.  主要靠矯型背心去矯型. 建議你唔好撥個胸, 會生cancer, 所以係先著背心後著bra.  三個月後返去"覆診", 再決定駛唔駛轉bra.

pros:
1. 佢真係睇得好準, 好多sis都有大細胸問題, 佢會即場幫你修改個bra, 貼返個胸. 即時見到著完後手腎幼左.
2. 用一般大品牌既bra 如Triumph, 價錢相對平D, ard hk$300 個, 款式亦比較多. 矯型背心來自台灣, hk$2xx 個
3. 著果期副乳有改善到, keep到32', 蔡太都話我有肉, 著耐d就可升1cup, 不過因為我無堅持返去"覆診", 著舊左就買返d 普通既bra, 攪到仲衰過未矯=.=  所以唔可以作準.

cons:
1. 好開揚, 蔡太既風格係豪邁! 講野好大聲, 全世界都知你個胸幾大, 你手臂幾粗... 你同隔離3唔識7, 佢都會開廉叫你望下人地帶左同無帶既分別 & vice versa…所以怕醜既sis 可能接受唔到
2. 一早要去攞籌, 再跟時間返去, 但都係有排等既….亦係因為咁我去左兩次就放棄左喇…
3. 第一次去就無乜sell 我, 但第2次去佢就叫我買埋under, 修身褲. Under 係 sloggi, 正常價錢 但修身褲偏長, 著短褲短裙根本著唔到, 買左兩條著唔夠幾次就放埋左一邊喇.

參考羽翹既介紹
https://www.youtube.com/watch?v=cibmmt4x_Zo

2. Braologie  (推介度: 負星)
因為好多bloggers 講, 所以去左試.  主要靠矯型背心去矯型. 先著bra後著背心, 會教你點樣撥背脊d肉去返個胸度.無提過"覆診".

pros:
1. 只可以預約, 所以好private, 全程1對1, 避免尷尬, 都幾易book
2. 價錢相對都算平, hk$3XX 個
3. 即時效果係勁爆乳, 但你問我係咪可以改善到我想改善既野, 我有保留…

cons:
1. 無現貨, 全部用順豐速遞既. 我預左等, 但等左成差唔多兩個月先到. 兩個月, 胸型可以好大變化!
2. 成個過程都好趕, 無咩交流, 無問你有咩想改善既地方. Sales 係妹妹仔, tone 好機械化, 無乜專業意見可言, 自己試緊咩size 都要主動問佢先知
3. 得1個款, 6隻顏色, 無乜選擇. 亦無標明係咩size, 咩cup, 問sales佢都係講個大約…
4. 有package 可以平D, 最貴3K, 包6個bra, 3件全身背心, 1件背心. Sales話夠著一年, 我一定係鬼um眼先會咁樣買…因為想矯型既話, 其實應該keep住換bra既, 無可能一年d bra 都仲岩著, 就憑佢e句我根本就唔應該幫襯佢!!!

3. 想知請pm (推介度: 4.5星)
其實係誤打誤撞去既, 因為去完 Braologie 無現貨, 諗住買兩個頂住先. 點知去完e度我真心勁後悔買左Braologie. 頭1次係2weeks 後返去"覆診", 之後一個月返去一次, 經過就可以入去話檢查就得, 會幫你較返岩d 帶, 有需要會叫你扣入一格, 未換得係唔會sell 你既, 純檢查就走得. 都係先著bra後著背心, 會教你點樣撥背脊d肉去返個胸度

pros:
1. Sales 專業好多! 睇得出你有咩要改善, 從而揀一個適合既bra 比你. 會循序漸進, 改善完上半身遲下先改下半身, 唔會一次過要你適應咁多野.
2. 唔會亂sell, 我既case係第一次叫我買兩個bra, 1 件背心, 因為會有改善就會不停換, 買太多都無用. 之後就算要換新bra, 都係叫我買2個bra, 舊既唔好再著, 背心唔駛換, 只係扣埋一格, 所以唔駛買.
3. 著左4個月由34' 變返32', cup  都升左一cup, 真係見到有效果! **不過唔好太興奮住, 有少少誤導成份, 睇埋cons 先!
4. 好多分店, 好方便, 隨便入一間都可以檢查, 所以我先有恆心繼續著

cons:
1. 最大既問題就係cup size, 因為係自家製既bra, sales 話佢地d 杯延伸得比較後, 所以其實佢地d cup 同市面上係有分別既! 我第一次去, 佢已經係俾個比我平時著開既大3個cup既bra我! 所以大家去試果陣千祈唔好太開心, 自己減返3個cup 就係你實際上既cup size 喇!! 而且因為我換左個大1個cup 既bra, 我就將兩個拼埋一齊睇下有幾大分別, 我自己其實唔係好睇得出, 但新bra 個pad 係厚d既, 所以…大家自己衡量下佢cup 同cup 之間究竟差幾遠…
2. bra 既款式係由sales 因應你想改善既野而決定既, 你只可以揀顏色. 所以價錢都係佢決定既…. 無可否認佢d 設計同效果係比一般既好, 但價錢真係偏貴, 我果款係 hk$719 一個, 背心接近hk$800.
3. 都係要買package 先有折, 分3種, 最貴/最抵係比hk$7k 但年半內有hk$10k 去買野, 即時用得,  即係變相打左7折, 恆生卡可免息分期12個月.

conclusion:
1. 我覺得一個好既bra係值得投資既, 但最緊要係你知道自己想要乜, 唔好人買你又買. 矯型bra 係著重功能性, 所以款式一般都比較沉悶. 而且成日都要著住件背心, 吊帶, low cut 果d 唔會成日著到. 一定要持之以恆先會改善到, sales 話起碼著一年!
2. 如果你第一次買e d bra/ 想知自己係咩cup, 建議去蔡太度先, 拎個concept.
3. 真係唔好比d cup size 誤導, 雖然佢d廣告都係用e個做selling point! 我都想像到如果你著開A 無啦啦有人比個C 你著而你又著到果下係有幾驚喜既, 不過SORRY, 事實真係唔係咁….
4. 買package 有好有唔好啦, 好既係你唔駛再考慮其他牌子, 會有恆心繼續著, 比完一次就短期內唔駛再預錢買bra. 唔好處係如果買著d 唔好既就喊lor!

See more on my FB Page